Mainam nga ba ang Love at first sight?

Maraming relasyon ang nag-sisimula sa atraksyon. Sabi nga nila; "Love At First Sight". Pag-ibig sa unang pagkikita. Yung biglang pagtibok ng puso sa isang tao kahit hindi pa ito lubos na nakikilala. Una, ang pagkagusto sa pisikal bago ang lubusang pagkahulog ng damdamin dahil sa tunay na pag-ibig.
Sabi'y walang masam kung magkagustuhan man ang dalawang nilalang kahit sa una palang nilang pagkikita. Doon din naman patungo ang ang lahat kung magkakaigihan.
Gayunman, maraming relasyon na nagsisimula sa Love at First Sight ang hindi naging maayos ang takbo ng relasyon hanggang sa bandang huli. O masasabing sa umpisa lang naging maayos ang lahat.
Sa biglang tingin, talagang masasabing perpekto na ang nagugustuhan kasi puro natural na yung maganda at mainam lang muna ang nakita. Puro kapuri-puri at talaga namang mahuhulog ang loob lalo na kung taglay nito ang mga hinahanap sa isang ideyal na kapareha.
Pero sa katagalan nga ng magkaigihan, magkasama at paulit-ulit na ang pagkikita, nakikita na kung ano ang "DEEP WITHIN". Yung kapangitan. Hindi man bulok, sadyang mawawalan ka ng gana at mawawala pati na ang atraksyong nadama nung una.
Makikita ang tunay na pag-katao ng kapareha. Maaaring higit na ang maganda o sa kamalasan, ang kapangitan nito.
Hindi masamang gustuhin natin ay magaganda't gwapo. Gustuhin ng mga macho't sexy. Beauty na with brains pa. May sense of humor at iba pang magagandang katangian na inaasam sanang maging kapareha.
Sa paninimbang sa nakikita ng mata at nadarama, mas madalas na nag-kakamali tayo kapag higit na pinanaig natin ay ang nakikita ng ating mga mata.
Kasi mas gusto natin ay kaparehang maipagmamalaki sa marami at nababalewala ang tunay na pagtibok ng puso.
Lagi nang sinasabi; "nawawala at lumilipas ang ganda hindi ang tunay na kabutihan ng loob at pagkatao." Ganito rin sa pag-ibig, kung magiging batayan sa pag-pili ng kapareha ay ang panlabas nito, maaaring isang araw ay mawala na ang damdamin o pag-ibig sa kapareha dahil sa pagkatuklas sa pangit na katangian nito sa loob.
Hindi naman natin masasabing hindi mahalaga ang panlabas na kagandahan. Ngunit mas higit na mahalaga ang kalooban upang lalong mahalin ang kapareha.


_-joshua mendoza-_