pag-ibig ay SUGAL!

"LOVE IS A GAMBLE", totoo ito sa literal na pakahulugan. Hindi nga ba't nakikipag-sugal tayo sa pag-ibig upang makuha natin ang ating gustong makasama at maging maligaya tayo sa buhay. At gaya nga ng sugal; may panalo at may talo.
Nagagawa nating itaya ang lahat nang ganang sa atin nang sa gayon ay maging sigurado ang ating pagka-panalo.
Sa lagawan palang na babae at lalaki; dumadaan na ng sugal ang lalaki.
Ipinapakita't ipinahihiwatig na nya ang kanyang nararamdaman. Maraming pangako ang sinasabi upang lalong makumbinsi ang ang babaeng nililigawan.
Kumbaga, inilalatag na nya ang lahat ng kanyang magagandang baraha para siguradong magugustuhan na sya ng babae.
Habang ang babae pinipintahan pa lang nya ang kanyang manliligaw. Hindi lahat ay agad na tinatanggap. Sinisigurado ang kulay ng barahang kinakaharap.
Sa ligawan palang ito. Paano kaya pag nagka-sagutan na?
Dito sa stage na ito, nakikita ang napakatinding sugal. Kasi wala pa ring katiyakan ang pagka-panalo. Tuloy pa rin ang laban.
Habang mag-syota palang, nariyang nag-kikilanlanan at nag-papakiramdaman ang magka-pareha.
Lumalabas na rin kasi ang mga hindi nakita noong nasa stage palang ng ligawan ng dalawang tao.
Sa puntong ito, magagawa nang sipatin kung ang nakuhang kapareha ay kapana-panalo ba o pang-consolation prize lang.
Patuloy pa rin ang pagsu-sugal ng pag-ibig sa boyfriend-girlfriend relationship.
Maaari kasing hindi pa rin ang nakuhang kapareha ang katiyap ng puso.
Kapag nangyari ang incompatibility at hindi nag-tagal ang relasyon, matitiyak na hindi ka panalo sa relasyong pinasukan.
Pero kung nagawa nyong lagpasan ang maraming pagsubok. Nananatili ang pagmamahalan nyo sa isa't isa, makatitiyak na panalo ka sa larangan ng pag-ibig.
Hindi dapat matakot makipag-sugal sa larangan ng pag-ibig ang sinuman. Dahil hindi malalaman ang pagka-panalo o pagka-talo hangga't hindi pumapasok ang sinuman sa isang relasyon.
Matuto kang lumaban at ipaglaban ang pag-ibig higit ang nararamdaman nang sa gayon ay mapag-tagumpayan , mapanatili at mapatatag ang relasyong pinasukan.
Kung hindi naman nanalo sa unang sugal na pinasukan, maaari pa ring lumaban. Patuloy ang laro sa pag-ibig. Hangga't nakakaramdam ng espesyal na damdamin ang isang tao.
Sabi nga; "try and try again until you succeed!" Kung hindi naging matagumpay o hindi ka nanalo sa una, bakit agad susuko. Marami pang pagkakataon.
Maaaring sa susunod ay sadyang akma na sayo ang pinasukang relasyon at tiyak na ang iyong panalo.


_-joshua mendoza-_